Endamál

Heilsutrygd er stovnur undir Heilsumálaráðnum.

Heilsutrygd varð sett á stovn at avgreiða tær uppgávur, ið áður lógu hjá teimum 11 sjúkrakassunum kring landið. Stovnurin hevur seinni tikið á seg partar av umsitingarligu uppgávunum hjá Almannastovuni í sambandi við broytingar í heilivágstilskotsskipanini og viðvíkjandi hjálparráðum.

Uppgávan hjá Heilsutrygd er at umsita lógina um almenna heilsutrygd.

Heilsutrygd umsitur og avroknar stuðul til meginpartin av primeru heilsutænastunum í Føroyum, herundir kommunulæknaviðtalur, læknahjálp til serlækna, stuðul til hjálparráð, ískoyti til viðgerð hjá tannlækna, fysioterapeuti, sálarfrøðingi, kiropraktor o.a. Somuleiðis umsitur Heilsutrygd í samstarvi við Apoteksverkið skipanina við heilivágstilskoti.

Heilsutrygd umsitir Kommunulæknaskipanina, Gigni og Økisheilsuskipanina, og síðani 2020 hevur Heilsutrygd havt eftirlit við stovnum, ið veita rúsviðgerð.