Ískoyti til brillur

Heilsutrygd veitir ískoyti til keyp av brillum ella brillugløsum til børn undir 16 ár, til fólk, sum eru fylt 67 ár og til fyritíðarpensjónistar.

Heilsutrygd veitir ískoyti til keyp av einum brillum ella brillugløsum um árið. Tó kann ískoyti verða veitt til tvinnar brillur ella brillugløs árliga til børn undir 16 ár, um tørvur er á broyttum stelli ella broyttum gløsum.

Tað er eingin treyt, at brillurnar eru keyptar í Føroyum.

Heilsutrygd veitir ískoyti eftir ávísum takstum, sum eru ásettir í fylgiskjali í samband við kunngerðina um ískoyti til brillur.
Kunngerðin við fylgiskjali kann lesast á logir.fo her .

Ískoyti verður veitt eftir umsókn og kvittan, sum verða latin Heilsutrygd. Tann samlaði kostnaðurin av brillunum skal verða goldin, og kvittan fyri hetta send til Heilsutrygd, áðrenn ískoyti verður veitt.

Heilsutrygd veitir ikki ískoyti til linsur.

 

Til ber at søkja um brilluískoyti á Vanganum: 

Umsókn um brilluískoyti

 

Um tú ikki hevur møguleika fyri at senda umsókn á Vanganum, ber til at taka umsókn um ískoyti til brillur niður sum pdf við at trýsta á hetta leinki.

 

Víst verður eisini til Kunngerð nr. 32 frá 12. apríl 2012 um ískoyti til brillustell og brillugløs