Ískoyti til tannlækna

Heilsutrygd veitir ískoyti til gjald fyri viðgerð hjá tannlækna, ið er fevndur av sáttmála við Heilsutrygd. Ískoytið verður veitt fyri persónar, sum eru fevndir av § 1 í heilsutrygdarlógini, tvs. Persónar, sum eru búsitandi í Føroyum sambært skrásetingunum hjá Landsfólkayvirlitinum.

Allir borgarar kunnu frítt velja tann tannlæknan, teir vilja brúka.

Tá borgari hevur verið hjá tannlækna, verður ískoytið frá Heilsutrygd mótroknað á fakturanum frá tannlæknanum, soleiðis at borgarin bert rindar sín part. Heilsutrygd rindar síðani tannlæknanum ískoytið.

Í prístalvuni fyri tannlæknar, Takstir og gjøld, sæst, hvørjar viðgerðir Heilsutrygd letur ískoyti til. Talvan vísir eisini, hvat tær ymisku viðgerðirnar kosta, og hvussu stórt ískoyti Heilsutrygd letur.

Ískoyti verður latið sambært sáttmála millum Tannlæknafelagið og Fíggjarmálaráðið, er at finna her: Tannlæknar, sáttmáli.

Til ber at finna tannlæknar, sum starvast eftir sáttmálanum við Heilsutrygd, á veitaralistanum.

Tannlæknavaktin
Er tørvur á bráðfeingis tannlæknahjálp, t.d. í.s.v. tannapínu, ber til at ringja til tannlæknavaktina.

Telefonnummarið til tannlæknavaktina er: 314544
Telefonin svarar bert leygardagar, sunnudagar, & halgidagar kl. 10:00 - 11:00